Lasseskuvlen Lappis
Dievasmahttin- ja spesialiserenlohkamat leat oaivvilduvvon daidda, geain lea ámmátdutkkus ja geat leat bargoeallimis. Sierralágan oanehisgurssat čiekŋudit du ámmátmáhtu. Sáhtát háhkat alccesat ođđa máhtuid guhkitge ollisvuođaid bokte. Ámmátallakuvllain sáhtát joatkit vuođđodutkosis ámmátallaskuvladutkosii.
Dán siidui leat čohkkejuvvon dieđut Lappi oahppolágádusaid ja allaskuvllaid dievasmahttin-, spesialiseren- ja rávesolbmuide oaivvilduvvon oahpahusas. Oahpahusfálaldagat rievddadit gurssaid mielde, ja nuba fálaldatdili gánnáha dárkkistit jeavddalaččat. Oahpásmuva gursafálaldagaide čuovvovaš oahppolágádusliŋkkaid bokte. Sáhtát ohcat skuvlenvejolašvuođaid maiddái Lappi eanagoddeallaskuvlla ja Lappi ámmátoahpahaga ohcanmašiinnaid bokte.
Oahpposoahpamušskuvlen
Oahpposoahpamuša bokte sáhttá lohkat ámmáhii dahje dievasmahttit iežas máhtu. Oahpposoahpamuša oassebealit leat bargoaddi, oahppolágádus, stuđeanta ja oahpposoahpamušskuvlema lágideaddji dahjege oahpposoahpamušguovddáš.
Skuvlen vuođđuduvvá barggu bokte oahppamii. Sullii 70-80% skuvlemis dáhpáhuvvá bargosajis. Oahpposoahpamušskuvlema vuolleahkerádji lea 15 jagi.
Loga lasi Lappi oahpposoahpamušskuvlenvejolašvuođain (suomagillii).
