Lappi Lihtu bajásdoallan www.lappi.fi/www.lapland.fi WWW-siidduid geavahanvuoigatvuođaeavttut
Buresboahtin Lappi Lihtu ("LL") bajásdoallan
www.lappi.fi/www.lapland.fi World Wide Web -siidduide
("WWW-siiddut"). Loga fuolalaččat dáid geavahanvuoigatvuođaeavttuid
("Eavttut"), ovdalgo geavahišgoađát WWW-siidduid.
Go rabat WWW-siidduid, de čatnasat geavaheaddjin ("Geavaheaddji")
čuovvut Eavttuid. WWW-siidduid it oaččo geavahit muhtumassiige, jos
it dohkket Eavttuid oktan buot osiidisguin.
1. WWW-siidduid sisdoallu, geavaheapmi ja rievdadusat
WWW-siiddut čohkiidit moanain siidduin dahje siidoollisvuođain, maid LL dahje juoga eará sisdoallobuvttadeaddji ("Sisdoallobuvttadeaddji") buvttada ja bajásdoallá. WWW-siidduid ulbimilin lea vuosttažettiin buvttadit, bajásdoallat ja sirdit dieđuid Lappi birra. WWW-siidduin sáhttet leat oasit, main gáibiduvvo sisaregistreren. Dáin siidduin gávdnojit márkanastin- ja máinnustanmateriálat sihke earálágange interaktiivvalaš oasit seammá go dávviriid ja bálvalusaid fállama, várrema ja háhkama várás duddjojuvvon vuogádagat ja gávppašanbáikkit. Eavttuid lassin WWW-siidduid dihto osiin sáhttet leat guoskevaš oasis oaivvilduvvon sisdoaluide, doaimmaide, buktagiidda ja bálvalusaide guoskevaš lasseeavttut ("Lasseeavttut"), mat galget čuvvojuvvot Eavttuid lassin.
LL buvttada WWW-siidduid nugo ieš oaidná buoremussan, ja WWW-siiddut doaimmahuvvojit "dan hámis go dat leat". WWW-siidduin sáhttet leat ášše- ja prentenmeattáhusat sihke teknihkalaš boasttuvuođat, váilevašvuođat ja eahpedárkilivuođat. WWW-siidduid materiálii ii oaččo vuođđudit maidige persovnnalaš, dálkkasdieđalaš, juridihkalaš, gávppálaš, ekonomalaš dahje earáge mearrádusaid, muhto Geavaheaddji galgá buot Geavaheaddjái dehálaš áššiid hárrái dahkat iežas mearrádusa iehčanassii ja vejolaš áššedovdiid veahki veagas. LL dahje Sisdoallobuvttadeaddji ii dáhkit WWW-siidduid doallevašvuođa eabage dat dáhkit maiddái sisdoaluid luohtehahttivuođa, fidnenvejolašvuođaid, rivttesáigásašvuođa, virusiid dahje eará vahátlaš dahkkiid váiluma, sisdoaluid heivema Geavaheaddji ulbmiliidda dahje sisdoalu vuođul vejolaččat dahkkojuvvon doaimmaid bohtosiid dahje bohtosiid dási.
WWW-siidduide gullevaš materiála oamastan- ja immateriálavuoigatvuođat gullet LL:ai dahje materiála buvttadan Sisdoallobuvttadeaddjái. WWW-siidduin gávdnojit erenoamážit dahkkivuoigatvuođaid vuođul suddjejuvvon materiálat ja dain sáhttet leat maiddái dávvirmearkkat, registrerejuvvon dávvirmearkkat, mállet, doaibmanamat, veahkkedoaibmanamat, gávppálaš dovddaldagat ja earáge objeavttat, mat leat suddjejuvvon immamateriálavuoigatvuođaiguin. Buot vuoigatvuođat, mat eai leat namalassii mieđihuvvon Eavttuin dahje sierra čálalaš soahpamuša vuođul, doalahuvvojit. Jos meannuda Eavttuid vuostá, de dat sáhttá dagahit siviila- ja rihkusvuoigatvuođalaš čuovvumušaid.
WWW-siidduid ja daid sisdoaluid lea lohpi geavahit dušše Geavaheaddji priváhta ii-gávppálaš ulbmilii nu, ahte dat čálihuvvojit báhpárii dahje vurkejuvvojit elektrovnnalaš hámis diehtonevvui, jos ii leat nuppeláhkai sierra čálalaččat ovddalgihtii sohppojuvvon. Preassadieđáhusaid ja sullasaš sisdoaluid, mat leat oaivvilduvvon čielgasit ovddosguvlui almmustuhttot, lea lohpi geavahit almmolaš diehtosirdimii. Ovdalis dán bihtás oaivvilduvvon geavaheapmi lea lobálaš dainna eavttuin ahte (i) gáldu ja dahkki máinnašuvvoba áššálaččat, (ii) sisdollui merkejuvvon dahkkivuoigatvuođamerkemat bisuhuvvojit ja geardduhuvvojit nuvván buot bihtáin ja (iii) sisdoallu ii rievdaduvvo dahje ođđasitduddjojuvvo moktige. Geavaheaddji ii oaččo eisege, almmá ahte vuoigatvuođahálddašeaddji lea ovddalgihtii addán dasa čálalaš lobi, kopieret, ovdanbuktit dahje luohpadit ovddosguvlui maidige WWW-siidduid diehtosisdoaluid iige mieđihit daidda maidige vuoigatvuođaid dahje duddjot daid vuođul ođđa dujiid.
LL:s leat buot vuoigatvuođat goas beare ovddalgihtii almmutkeahttá rievdadit WWW-siidduid sisdoaluid ja teknologiija sihke loahpahit WWW-siidduid dahje man beare daid oasi buvttadeami ja bajásdoallama.
2. Guvllolaš ráddjehus
WWW-siiddut leat dahkkojuvvon vuosttažettiin Suomas geavahuvvot. LL ii eisege fálut iežas fálaldagaid Suoma olggobeallai, ii daga bálvalusaid Suoma olggobealde iige daga bálvalusaid dahje eará buktagiid doaimmahansoahpamušaid eará sajis go Suomas.
Eará sajis go Eurohpá Uniovdnii gullevaš riikkas orru Geavaheaddjis lea vuoigatvuohta geavahit WWW-siidduid dušše nu, ahte soahpá das ovddagihtii čálalaččat LL:ain dahje áššáigullevaš Sisdoallobuvttadeaddjiin. Suoma olggobealde dáhpáhuvvi dakkár geavaheapmi, masa ii sáhtášii riikkaidgaskasaš dahje riikkadási láhkaválljen- dahje eará norpmaid dihte heivehit Eavttuid dain buot osiin, lea gildojuvvon.
3. Eavttuid persovnnalaš olli
Eavttut leat fámus vuosttažettiin LL:a ja Geavaheaddji gaskasaš oktavuođain. Dasa lassin Eavttut heivehuvvojit Sisdoallobuvttadeaddji ja eará buvttadeaddji WWW-siidduid vuođul diehtosisdoaluid ja buktagiid fálli oassebeali ja Geavaheaddji gaskasaš oktavuođain, jos Geavaheaddji ja máinnašuvvon oassebeali gaskkas ii nuppeláhkai sohppojuvvo; Geavaheaddji ja goalmmát oassebeali vejolaččat soahpan mearrádusaid ektui Eavttuid mearrádusat leat sekundárat. Eavttut heivehuvvojit maiddái LL:a ja Sisdoallobuvttadeaddji gaskasaš oktavuođain dan viidodagas go dáid gaskkas ii leat sierra nuppeláhkai čálalaččat sohppojuvvon.
4. Goalmmát oassebeali fállan dieđut ja bálvalusat
WWW-siidduin sáhttet leat oasit, main leat Sisdoallobuvttadeaddjiid dahje eará golmmát oassebeliid doaimmahan sisdoalut dahje main Sisdoallobuvttadeaddjit dahje eará goalmmát oassebealit fállet iežaset buktagiid ja bálvalusaid. LL ii vástit moktige Sisdoallobuvttadeaddjiid dahje eará vejolaš goalmmát oassebeliid diehtosisdoaluin, buktagiin dahje bálvalusain iige leat moktige diekkár soahpamušaid, čatnasemiid dahje geatnegahttimiid oassebealli iige maiddái doaimma diekkáriid gaskkusteaddjin, ovddasteaddjin iige váldde moktige muđuige beali diekkáriid hárrái.
5. Priváhtavuođa suddjen ja persovdnadieđuid geavaheapmi
LL geahččala bealistis ollašuhttit WWW-siidduid nu, ahte ii geange priváhtavuohta šatta vára vuollái ja ahte WWW-siidduid doaimmas čuvvojuvvojit njuolggadusat, eiseváldemearrádusat ja buorit vierut. Dihto WWW-siidduid geavaheapmi sáhttá gáibidit sisaregistrerema, man oktavuođas sáhttet čoggojuvvot persovdnadieđut persovdnadiehtolágas suvvojuvvon vuogi mielde. Maiddái dihto gilvvuid ja kampánnjaid oktavuođas, mat ollašuhttojit WWW-siidduin, sáhttet čoggojuvvojt persovdnadieđut persovdnadiehtolága suovvan vuogi mielde. Dihto WWW-siidduid doaimmaid ollašuhttin sáhttá gáibidit smávva teakstafiillaid ("cookies") geavaheami.
6. Soahpamušgaskavuođa šaddan
WWW-siiddut leat vuosttažettiin buvttaduvvon ja bajásdollojit dušše informatiivvalaš ulbmiliid várás. Ii mihkkige WWW-siidduin ovdanbuktojuvvon áššiin oaivvil fálaldaga, diŋgoma dahje diŋgonnannema dahkama iige muđuige oaivvil soahpamuša dahkama nuppe dáfus LL:ain dahje Sisdoallobuvttadeaddji ja nuppe dáfus Geavaheaddji dahje eará oassebeali gaskkas, jos juoga oasis ii leat namalassii LL:a dahje áššáigullevaš Sisdoallobuvttadeaddji beales nuppeláhkai daddjojuvvon. Jos LL:a dahje Sisdoallobuvttadeaddji ulbmilin lea áigáioažžut soahpamušgaskavuođa Geavaheaddjiin, de dán birra lea áššáigullevaš čuoggás WWW-siidduin namalassii sierra máinnašuvvon ja loahpalaš čadni soahpamuša eaktun lea álo dat, ahte galgá dahkkojuvvot ja vuolláičállot sierra čálalaš soahpamuš, jos áššáigullevaš čuoggás ii leat namalassii LL:a dahje áššáigullevaš Sisdoallobuvttadeaddji beales nuppeláhkai daddjojuvvon.
Vejolaš diŋgoma, fálaldaga, diŋgonnannema ja soahpamuša dahkama hárrái Geavaheaddji dáhkida ja vástida ahte lea vuoigatvuođadoaibmagelbbolaš, ja jos jearaldagas lea lunddolaš persovdna, de Geavaheaddji dáhkida ja vástida ahte son lea badjel 18-jahkásaš ja dievasválddálaš olmmoš. Vádjitválddálaččas ii leat vuoigatvuohta dahkat čatnasemiid WWW-siidduid bokte, jos juoga oasis ii leat namalassii nuppeláhkai daddjojuvvon.
7. Geavaheaddjidovddaldaga ja beassansáni geavaheapmi ja suddjen
Dihto WWW-siidduid osiid geavaheapmi sáhttá gáibidit sisaregistrerema, goas Geavaheaddji oažžu geavaheaddjidovddaldaga ja beassansáni guoskevaš oassái sisačáliheami várás. Geavaheaddjidovddaldat ja beassansátni leat persovnnalaččat ja daid vejolažžandahkan doaimmat ja sisdoalut leat oaivvilduvvon dušše dasa, guhte lea álgoálggus ožžon geavaheaddjidovddaldaga ja beassansáni. Geavaheaddji dáhkida ja vástida ahte addá rivttes ja dievaslaš dieđuid, go sisaregistrere iežas, ja ahte Geavaheaddji okto vástida geavaheaddjidovddaldaga ja beassansáni fuolalaš seailluheamis ja čiegusindoallamis.
Geavaheaddji fuolaha ja vástida das, ahte geavaheaddjidovddaldat dahje beassansátni ii muitaluvvo iige luohpaduvvo goalmmádii. Geavaheaddji vástida geavaheaddjidovddaldaga ja beassansáni buot geavaheamis. Geavaheaddji čatnasa almmuhit dalánaga LL:ai dahje áššáigullevaš Sisdoallobuvttadeaddjái iežas geavaheaddjidovddaldaga dahje beassansáni lobihis geavaheamis. LL dahje áššáigullevaš Sisdoallobuvttadeaddji ii vástit Geavaheaddjái dahje goalmmát oassebeallái Geavaheaddji geavaheaddjidovddaldaga dahje beassansáni boasttogeavaheamis šaddan vahágiin. Geavaheaddji lea geatnegahtton buhttet LL:ai ja áššáigullevaš Sisdoallobuvttadeaddjái vahága, mii dáidda čuohcá Geavaheaddji eaktodáhtolašvuođa dahje fuollameahttunvuođa dihte dáhpáhuvvan geavaheaddjidovddaldaga dahje beassansáni boasttogeavaheapmi.
8. LL:ai dahje Sisdoallobuvttadeaddjái WWW-siidduid bokte doaimmahuvvon dieđut
LL ii háliit oažžut alccesis iige Sisdoallobuvttadeaddjái WWW-siidduid bokte Geavaheaddjái dahje geange goalmmát oassebeallái gullevaš luhtolaš materiálaid ja dieđuid, jos dákkáris ii leat namalassii sierra nuppeláhkai sohppojuvvon. Geavaheaddji vástida buot dan materiálas ("Materiála"), maid sádde WWW-siidduid bajásdoallama várás oaivvilduvvon serveriidda, dahje WWW-siidduid bokte muđui LL:ai, Sisdoallobuvttadeaddjái dahje eará goalmmát oassebeallái. Erenoamážit Geavaheaddji dáhkida ja vástida ahte Materiála ii loavkit geange goalmmát oassebeali dahkkivuoigatvuođaid dahje eará immateriálavuoigatvuođaid, njuolggadusaid, eiseváldemearrádusaid, Eavttuid ja buriid vieruid ja ahte materiála ii leat dakkár, mii galgá dollojuvvot čiegusin dahje ii muđui dohkke almmustuhttot. Geavaheaddji lea geatnegahtton buhttet LL:ai ja Sisdoallobuvttadeaddjái daid vahágiid, maid lea dagahan dán čuoggás daddjojuvvon geatnegahttimiid rihkkuma dihte.
Go Geavaheaddji sádde Materiála, de seammás dat dáhkida ja nanne ahte (i) lea álgán ovdal sáddema govttolaš doaibmabijuide sihkkarastin dihte ahte Materiálas eai leat virusat dahje eará eahpebuhtisvuođat dahje vahátlaš iešvuođat, (ii) Materiála gullá Geavaheaddjái dahje ahte Geavaheaddjis lea muđui vuoigatvuohta mieđihit Materiálii ráddjekeahtes geavahanvuoigatvuohta, (iii) LL dahje Sisdoallobuvttadeaddji oažžu nuvttá dahje almmá eará vástogeatnegahttima haga ráddjehusaid haga kopieret, ođđasitduddjot, luohpadit, atnit ávkin ja almmustuhttit sihke laktit oassin eará materiálii Geavaheaddji sádden Materiála, jos Geavaheaddjiin ii leat ovdal Materiála doaimmaheami namalassii čálalaččat nuppeláhkai sohppojuvvon, (iv) Geavaheaddji dahje miige goalmmát oassebeliid ii boađe ovdanbuktit Materiálii dahje dan ovddit čuoggás oaivvilduvvon geavaheapmái guoskevaš gáibádusaid LL:a, Sisdoallobuvttadeaddji dahje dáiguin áššiid doaimmaheaddji goalmmát oassebeali vuostá, ja (v) Geavaheaddji čatnasa buhttet LL:ai dahje áššáigullevaš Sisdoallobuvttadeaddjái buot goluid ja vahágiid, mii dáidda čuohcá goalmmát oassebeali Materiála vuostá ovdanbukton gáibádusaid dahje Materiálas gávdnon meattáhusa dahje vahátlašvuođa dihte. LL ja áššáigullevaš Sisdoallobuvttadeaddji eaba leat geatnegahtton dárkkistit ja gozihit Geavaheaddji sádden Materiála muhto dain lea dasa vuoigatvuohta ja sáhttiba maiddái iežaska guorahallama mielde goas beare Geavaheaddji gulakeahttá jávkadit Materiála dahje muđui hehttet dan geavaheami.
Čielggasvuođa dihte gávnnahuvvo ahte Materiálain eai oaivvil Geavaheaddji persovdnadieđuid dahje eará dakkár luhtolaš dieđuid, maid Geavaheaddji luohpada LL:ai dahje Sisdoallobuvttadeaddjái sisaregistrerema dahje soahpamušgaskavuođa vuođđudeami oktavuođas dahje soahpamušgaskavuođa olis.
9. Lága, Eavttuid dahje buori vieru vuostásaš geavaheami gieldin
WWW-siidduid njuolggadusaid, eiseváldemearrádusaid, Eavttuid, Lasseeavttuid ja buriid vieruid vuostásaš buotlágan geavaheapmi lea áinnas gildojuvvon. Doaimmaid dahje bálvalusaid, maid fidne WWW-siidduin dahje daid bokte, ii oaččo geavahit nu, ahte dat vaháguhttet, badjelmeari čuhcet WWW-siidduide, heađuštit dahje heajudit WWW-siidduid dahje daid doaimmaid dahje bálvalusaid, maid fidne daid bokte.
Geavaheaddji čatnasa maiddái dasa, ahte ii eisege geavat (i) WWW-siidduid čuozáhahkan dahje gaskaoapmin virusiidda, eará vahátlaš prográmmaide dahje prográmmaollisvuođaide, ráidoreivviide, ruskapostii dahje máidnosiidda, (ii) hálbbáš, heađuš, áitte dahje muđui loavkit goalmmát oassebeali dahje dákkár oassebeali lágalaš vuoigatvuođaid, (iii) lebbe maidige eahpeáššálaš, heahppášuhtti, šieguhis, lágahis dahje muđui heivemeahttun dieđuid dahje materiálaid, (iv) loavkit mange goalmmát oassebeali immateriálavuoigatvuođaid iige bija mange goalmmát oassebeali dákkár loavkideami oassebeallin, (v) geahččal geavahit WWW-siidduid ávkkuhan dihte gávppálaš dahje muđui eará go priváhta ulbmiliid, almmá ahte lea ovddalgihtii namalassii dahkan čálalaš soahpamuša LL:ain, (vi) geavat WWW-siidduid mange rihkolaš dahje muđui lágahis doaimma ovddideapmái, (vii) atte LL:ai dahje Sisdoallobuvttadeaddjái boastto dieđuid, iige (viii) čohkke dieđuid eará Geavaheaddjiid, WWW-siidduid geavaheaddjimeriid dahje WWW-siidduid geavaheapmái guoskevaš eará áššiid birra, mat eai njuolgga guoskka Geavaheaddjái alccesis.
Geavaheaddji lea geatnegahtton buhttet LL:ai ja Sisdoallobuvttadeaddjái dievasmearálaččat buot vahágiid, mat dáidda čuhcet Geavaheaddji dákko máinnašuvvon gielddu rihkkumis dahje Eavttuid dahje Lasseeavttuid rihkkumis.
11. Liŋkkat goalmmát oassebeliid siidduide, liŋkkat WWW-siidduide
WWW-siidduin sáhttet leat liŋkkat Sisdoallobuvttadeaddjiid dahje eará goalmmát oassebeliid World Wide Web -siidduide ("Liŋkasiiddut"). Go Geavaheaddji manná Liŋkasiidduide, de galgá oahpásmuvvat dáidda siidduide gullevaš vejolaš geavahanvuoigatvuođaeavttuide, ja ovdalgo geavahišgoahtá siidduid, de galgá dohkkehit daid geavahanvuoigatvuođaeavttuid. Liŋkasiiddut eai leat LL:a mearridanválddis eaige muđuige LL:a váikkuhanolis iige LL ná sáhte moktige váikkuhit Liŋkasiidduid sisdollui, doibmii dahje eavttuide. LL ii vástit moktige Liŋkasiidduid sisdoalus dahje doaimmas iige dain čuovvumušain dahje váikkuhusain, maid Liŋkasiidduid geavaheapmi sáhttá dagahit. WWW-siidduid liŋkkat leat ollašuhtton dušše teknihkalaš čoavddusin, mii álkidahttá Geavaheaddji dieđuidoažžuma, iige LL dákkár liŋkka vuođđudeami bokte geahččal moktige guottihit, máinnustis, ávžžuhit dahje doarjut mange Liŋkasiiddu dahje Liŋkasiiddus fállojuvvon diehtosisdoalu, buktaga dahje bálvalusa.
Jos Geavaheaddji háliida hábmet iežas siidduide liŋkka, de dat galgá ollašuvvat buriid vieruid mielde nu, ahte liŋkka geavaheaddjille čielgá ollásit Geavaheaddji ja LL:a sihke dáid oassebeliid siidoollisvuođaid dievaslaš sorjjasmeahttunvuohta nubbi nuppis.
12. Geavaheami loahpaheapmi dahje ráddjen
LL:s lea vuoigatvuohta muhto ii geatnegasvuohta goas beare ovddalgihtii almmutkeahttá ráddjet dahje hehttet Geavaheaddji dahje gean beare beassama WWW-siidduide dahje WWW-siidduid dahje daid juoga oasi geavaheami. Jos Geavaheaddji doaibmá Eavttuid dahje Lasseeavttuid vuostá, de su vuoigatvuohta geavahit WWW-siidduid nohká seammás. Geavaheaddji galgá maiddái váldit vuhtii, ahte sisaregistremema gáibideaddji dihto osiide beassan sáhttá boatkanit seammás ja loahpalaš váikkuhusaiguin, jos Geavaheaddji ii leat dihto áiggi sisa čálihan iežas sisa guoskevaš oassái.
13. Vásttu ráddjen
Geavaheaddji fuopmášupmi giddejuvvo ovdalis Eavttuid čuoggás 1 ovdanbukton máinnašupmái das, ahte (i) WWW-siiddut doaimmahuvvojit "dakkárin go dat", (ii) WWW-siidduin sáhttet leat ášše- ja prentenmeattáhusat sihke teknihkalaš boasttuvuođat, váilevašvuođat ja eahpedárkilvuođat; (iii) WWW-siidduid materiálii ii oaččo vuođđudit maidige persovnnalaš, dálkkasdieđalaš, juridihkalaš, gávppálaš, ekonomalaš dahje earáge mearrádusaid, ja (iv) LL dahje Sisdoallobuvttadeaddji ii dáhkit moktige WWW-siidduid sisdoalu doallevašvuođa, luohtehahttivuođa, fidnenvejolašvuođa, rivttesáigásašvuođa, virusiid dahje eará vahátlaš dahkkiid váiluma, heivvolašvuođa Geavaheaddji ulbmiliidda dahje sisdoalu vuođul vejolaččat dahkkojuvvon doaimmaid bohtosiin dahje bohtosiid dásis. Seammaláhkai Geavaheaddji galgá giddet fuopmášumi dákko ovdalis Eavttuid čuoggás 4 ovdanbukton máinnašupmái. Oppalohkái LL ii dáhkit, lohpit dahje čatnas moktige WWW-siiddu oasi dahje sisdoalu hárrái, jos dakkár dáhkádus ii leat spiehkastahkan sierra ovddalgihtii čálalaččat mieđihuvvon, iige LL leat diđolaš iige geahččal oažžut dieđuid Geavaheaddji WWW-siidduid geavaheapmái guoskevaš mihttomeriin dahje ulbmiliin.
LL dahje Sisdoallobuvttadeaddji ii vástit WWW-siidduid dahje dain leahkki diehtosisdoalu, buktaga dahje bálvalusa geavaheamis dahje geavatkeahttá guođđimis dahje dáid fidnenvejolašvuođas dahje fidnenvejolašvuođa gaskkalduvvamis šaddan njuolggo, fáhkkes, eahpenjuolggo, gaskkalaš, deivvolaš dahje erenoamáš massimiin dahje vahágiin vaikko dákkár massima dahje vahága vejolašvuođas livččii LL:ai dahje Sisdoallobuvttadeaddjái almmuhuvvon. LL:a ja Sisdoallobuvttadeaddji vástida eanemustá Suoma lága geatnegahtti njuolggadusaid mielde.
Čielggasvuođa dihte gávnnahuvvo erenoamážit ahte buotlágan vástu WWW-siidduid geavaheami hárrái Geavaheaddji geavahan mašiinnaid, rusttegiid, prográmmaid, linnjáoktavuođaid ja eará neavvuid sihke dieđuid ja fiillaid háhkamis, bajásdoallamis, sihkkarastinkopieremis ja suddjemis gullá dušše Geavaheaddjái. Geavaheaddjis ii leat vuoigatvuohta ovdanbuktit makkárge gáibádusaid LL:a dahje Sisdoallobuvttadeaddji vuostá dán bihtás oaivvilduvvon objeavttaid ádjánemiid, doaibmaheađuštusaid, vihkáduvvama dahje jávkama dihte.
Go Geavaheaddji lea duhtameahttun WWW-siidduid doibmii dahje daid sisdoaluide dahje daid bokte fállojuvvon buktagiidda dahje bálvalusaide, de dan áidna molssaeaktun LL:a ektui lea juogo joatkit geavaheami dahje heaitit geavaheamis, jos juoga osiid dahje bálvalusaid hárrái ii leat namalassii ovddalgihtii nuppeláhkai sohppojuvvon.
14. Heivehanortnet
Jos nuppe dáfus LL ja nuppe dáfus Geavaheaddji dahje Sisdoallobuvttadeaddji leat dahkan sierra soahpamuša, man mearrádusat mannet ruossalassii Eavttuid mearrádusaiguin, de heivehuvvojit vuosttažettiin duokkár sierra soahpamuša mielde dahkkojuvvon mearrádusat ja easkka dasto dát Eavttut. Jos Lasseeavttuid ja Eavttuid gaskkas leat ruossalasvuođat, de heivehuvvojit vuosttažettiin Lasseeavttuid mearrádusat ja easkka dasto dát Eavttut.
15. Eavttuid ja Lasseeavttuid rievdadeapmi
LL sáhttá goas beare ovddalgihtii almmutkeahttá rievdadit Eavttuid ja Lasseeavttuid. Rievdadus boahtá fápmui dalán go almmustuhtto ja lea fidnemis WWW-siidduin. Geavaheaddji lea geatnegahtton oahpásmuvvat Eavttuid ja Lasseeavttuid sisdoalli siidduide jeavddalaččat, ja geavaheami joatkin rievdadeami maŋŋá dulkojuvvo nu, ahte Geavaheaddji dohkkeha Eavttuid ja Lasseeavttuid daid rievdaduvvon hámis. Eavttuid ja Lasseeavttuid rievdadeapmi gehččojuvvo goittotge álo čatnat buot Geavaheaddjiid maŋimustá mánotbaji geažes das, go rievdadus lea vuosttas háve leamaš WWW-siidduin oaidninláhkai.
Čielggasvuođa dihte gávnnahuvvo ahte Eavttuid dahje Lasseeavttuid rievdadeapmi ii mearkkaš nuppe dáfus LL:a ja nuppe dáfus Sisdoallobuvttadeaddji dahje juoga eará goalmmát oassebeali gaskkas sierra dahkkojuvvon čálalaš soahpamuša eavttuid rievdadeami, jos guoskevaš čálalaš soahpamušas ii leat namalassii sierra mearrádus das, ahte go LL rievdada Eavttuid dahje Lasseeavttuid, de dat mearkkaša maiddái guoskevaš soahpamuša eavttuid rievdadeami.
16. Heivehanvuloš láhka ja vejolaš sierramielalašvuođaid čoavdin
WWW-siidduid geavaheapmái sihke Eavttuid ja Lasseeavttuid dulkomii heivehuvvo Suoma láhka.
WWW-siidduid geavaheami sihke Eavttuid ja Lasseeavttuid gustomii, gelbbolašvuhtii ja dulkomii guoskevaš sierramielalašvuođat gieđahallojit Suoma almmolaš duopmostuoluin. Go vuostebeallin lea juoga eará go ovttaskas Geavaheaddji, de LL:s lea goittotge vuoigatvuohta gáibidit ahte sierramielalašvuohta gieđahallo ja čovdojuvvo soabahallanmeannudeamis, mas lea mielde okta soabahalli. Soabahalli nammada Suoma Guovddášgávpegámmára soabahallanlávdegoddi ja soabahallanmeannudeamis čuvvojuvvojit máinnašuvvon soabahallanlávdegotti njuolggadusat.
