Lapland - Above ordinary
Sisdollui Siiddu bajágeahčai Siidogárta Máhcahat Cálit
 
 

Ealáhusat Lappis

Buhtes luondu ja máŋggabealat luondduriggodagat addet nana ja áidnalunddot vuođu Lappi ealáhuseallimii. Turisma, stálle- ja metállaindustriija, ruvkeindustriija sihke boazo- ja vuovdedoallu leat min ealáhusaid geađgejuolgin. Boahtteáiggis maiddái energiijasektor mearkkaša eanet ja eanet min ealáhuseallimii.

Johtalusoktavuođat

Lappi gokčevaš geaidnofierpmádat, ruovdegeaidnooktavuođat, hámmanat ja beaivválaš girdinoktavuođat sihkkarastet eanagoddái buriid johtalusoktavuođaid. Lappis barget ollu johtalusoktavuođaid buorideami ja viiddideami ovdii, vai ealáhuseallimis livččii buorit doaibmavejolašvuođat. Lappi rádjeránnján leat Ruoŧŧa, Norga ja Ruošša, mii addá vejolašvuođaid bures doaibmi riikkaidgaskasaš ovttasbargui. Suomas lea guovddáš logistihkalaš sajádat rádjenránnjáid ektui.

Luonddu máŋggahápmásašvuohta ja luondduriggodagat

Jagiáiggiid molsašuddan, luonddu arktalašvuohta ja jaskatvuohta geasuhit Lappii jahkásačat čuđiidduháhiid mátkkálaččaid vásihit Lappi geasuhusa. Buhtes ja álbmás luonddubuktagat dego meahcceguobbarat, luonddumuorjjit ja bohccobiergu leat kruvnnideamen máŋgasa Lappi gallestallama.

Vuovde- ja boazodoallu leat dehálaš resurssat Lappi eallinfámolašvuhtii. Vuovdedoalus váldojuvvojit vuhtii bistevaš ovdáneapmi ja luonddu máŋggahápmásašvuođa seailluheapmi. Boazodoallu addá iežas eksohtalaš lasi - ii dušše reahkavánddardemiid hámis muhto dat leat seammás áidnalunddot smáhkkavásáhusat.

Dáid maŋimuš jagiid málbmaohcan ja ruvkedoaibma leat sakka ovdánan. Mis leat Eurohpá riggásepmosiidda gullevaš málbmariggodagat, ođđa ruvkket leat váldojuvvon atnui ja plánejuvvojit lasi. Ruvkedoaibma lea hui ealas ee. Giema guovllus, Gihttelis, Soađegilis ja Kolaris. Riikkaidgaskasaččat mearkkašahtti stálleindustriija guovddášbáiki lea Duortnus, gosa leat plánemin maiddái joatkkainvesteremiid.