Lapland - Above ordinary
Sisdollui Siiddu bajágeahčai Siidogárta Máhcahat Cálit
 
 

Lappilaš kultuvra

Lappi ealaskas kulturmáilbmi fállá nana vásáhusaid buohkaide. Šuoŋat čudjet fiidnát klassihkalaš musihka mielde, jazza rytmmain, rocka guottuin ja máŋggain eará musihkkašlájain. Govvadáidda, hábmen, čuovgagovven ... dáiddadujiide sáhttá oahpásmuvvat galleriijain ja čájáhusain, mat gávdnojit Lappi juohke báikegottis. Lappi teáhteriin sáhttá návddašit geasuheaddji, jurdagiid bohciidahtti muitalusain, maid čeahpes čájáhallit dulkojit. Čájálmasat dahkkojuvvojit maiddái lappilaš girječálliid dujiin, maidda sáhttá oahpásmuvvat vaikkoba Lappi girjerájuin. Lappis leat eret máŋggat riikka njunušgirječálliin - iige imaš, dasgo Lappi geasuhus lea áidnalunddot inspirašuvdnagáldu.

Musihkka máŋgga smáhkkii

Lappi musihkkakultuvra lea máŋggabealat. Loaiddasteamit ja konsearttat lágiduvvojit sierra báikegottiin, gávpogiin ja duoddariinge. Maiddái festiválafálaldagat leat valjis. Festiválat leatge erenoamáš dilálašvuođat návddašit musihkas lappilaš geasuheaddji birrasiin. Sierralágan musihkkastiillaid ovddasteaddji orkesterat, musihkkajoavkkut, koarat ja artisttat, sihke ámmát- ja astoáiggemusihkkárat buktet bures ovdan lappilaš musihkkakultuvrra. Loga lasi musihkas dákko.

Dáidaga gálduid luhtte

Lappi lea dáidaga ruoktu. Aktiivvalaš dáiddársearvvit ja -rieggát sihke ámmátdáiddárat buvttadit dujiid, maidda sáhttá oahpásmuvvat moanain čájáhusain ja galleriijain. Lappi museat oktan čájáhusaiguin ovdanbuktet maiddái kulturárbbi ja historjjá. Dáidaga ruoktun Lappis sáhttá stuđeret dáiddaávdnasiid moanain oahppolágádusain, main njunušbáikin lea Lappi allaoahpahaga dáidagiid dieđagoddi. Loga lasi dáidagis dákko.

Teáhter buktá dovdduid

Dovdduid buollin, hui hávskis humor ja jurdagiid bohciidahtti muitalusat - dákkáriid lea beassan oaidnit lappilaš teáhterčájálmasain. Gávpotteáhterat ja sierralágan smávit buđaldallijoavkkut fállet dilálašvuođaid, mat sihkkarit geasuhit. Mii beassat návddašit restoráŋggas eahkeda čohkkádettiinge prográmmain, go teáhter iđista fáhkkestaga improviseremiiguin dahje monologabuktosiiguin min movttiidahttit. Loga lasi teáhteris dákko.

Girjjálašvuohta guhtiige

Lappis leat riegádan máŋggat muitalusat, divttat, cukcasat. Muitalusas lea álo čálli: lappilaš girječállit leatge dievva. Dovdosepmosat sis dáidet leat Jari Tervo ja Arto Paasilinna. Lappi eanagoddegirjerádju lea buorre báiki oahpásmuvvagoahtit lappilaš girjjálašvuhtii. Loga lasi girjjálašvuođaš dákko.

Valástallankultuvra

Lappi fállá erenoamáš vejolašvuođaid valástallamii. Duoddariid čuoiganguovddážat doibmet juoba máilmmimeašttirvuođas gilvaleaddji njunušvalástalliid gilvalanbáikin. Lappis leat eret maiddái máŋggat suopmelaš njunušvalástallit, dego Kalle Palander, Tanja Poutiainen, Hannu Manninen ja Pirjo Muranen. Earret dálvešlájaid Lappi lea máŋggabealat guovlu maiddái eará šlájain. Máŋggat valástallansearvvit doibmet Lappis ja ovddidit ná lappilaš valástallama. Loga lasi valástallamis dákko.