Lappi áidnalunddot dálkkádahkii leat váikkuheamen davvisajádat, Golf-rávdnji, Jiekŋamearra, Mearrabahta ja Eatnama áksila áluvuohta Beaivváža ektui. Buot dát dagaha jagiáiggiid čielga molsašuddama.  Dálvi bistá sullii jahkebeali, goas giđđa, geassi ja čakča juogadit dan nuppi beali jagis. Dárkkis Áibmodiehtaga lágádusa čuovvovaš liŋkkain guđege gieldda beaivvi dálke-, muohta- ja arvedieđuid.

Dálvi

Go geassi állana čavčča guvlui, de áibmu čoaskugoahtá, dasgo beaivečuovga geahppána. Skábma álgá skábmamánu loahpageahčen. Skábma oaivvida dan áigodaga, goas davvi poláragierddus beaivváš dušše oidnosta almmiravdda bajábealde.  Mađe davvelii dahjege lagabui davvipola mannojuvvo, dađe uhcit lea beaivečuovga. Ohcejogas, Suoma davimus gielddas, beaivi ii badján ollege jahkemolsašumi áiggiid. Dálvejorggáldat deaivá juovlamánu 21.-22. beivviide. Dalle sáhttá geahččat guovdalasdálvvi álgán.

Giđđa

Skábma vássigoahtá vehážiid, go Davvipola jorggihišgoahtá Beaivváža guvlui. Lappis dát oaivvilda dan, ahte beaivečuovga lassánišgoahtá ođđajagemánu loahpageahčen, goas sáhttet leat ainge garra buollašat. Giđđajorggáldat deaivá njukčamánu 19.-21. beivviide, goas beaivvit ja ijat leat eanaspáppas sullii ovtta guhku. Go liekkas ja čuovga lassána, de suddagoahtá muohta ja dálvi jorggiha giđđan. 

Geassi

Luondu runiida geassemánus. Nuba leatge juo mihcamárat, ja geassejorggáldat deaivá geassemánu 20.-22. beivviide. Beaivi bissu almmiravdda bajábealde dađe guhkit, mađe davvelii mannojuvvo. Ohcejogas beaivá báitá geasseguovdil juoba moadde mánu ovtta manu. Ijahis idja lea skápma dievaslaš vuostegeahči.

Čakča

Vuosttas mearkkat čavččas vuhttogohtet borgemánu bealde. Ijat sevnnjodit ja áibmu čoaskugoahtá, go Davvipola jorggiha eretguvlui Beaivvážis. Čakčajorggáldat deaivá čakčamánu 22.-23. beivviide. Ohpit dáhpáhuvvá dat seammá go giđđajorggáldaga áigge dahjege ijat ja beaivvit leat eanaspáppas ovtta guhku. Lappi čakčii lea mihtilmas ođđa ivdnevallji geasi maŋŋá. Mii dovdat dán áigodaga ruškin.